ಸುಂಟಿಕೊಪ್ಪ, ಜು.೨೯: ಕೆಲವು ವಸ್ತುಗಳು ಮಾರುಕಟ್ಟೆಯಲ್ಲಿ ಸ್ಥಾನ ಪಡೆಯುವ ಸಲುವಾಗಿ ಒಂದು ಕೊಂಡರೆ ಒಂದು ಉಚಿತ ಅಥವಾ ಆ ವಸ್ತುವಿಗೆ ಮತ್ತೊಂದು ವಸ್ತುವನ್ನು ನೀಡಿ ಮಾರುಕಟ್ಟೆಗಳಿಸುವುದನ್ನು ಕಂಡಿದ್ದೇವೆ. ಸುಂಟಿಕೊಪ್ಪದಲ್ಲಿ ಮಾಂಸ ಪ್ರಿಯರಿಗೆ ಮಾರಾಟಗಾರರು ಈರುಳ್ಳಿ ಮತ್ತು ಮೊಟ್ಟೆಗಳನ್ನು ಕಳೆದ ೨ ವಾರಗಳಿಂದ ಜಿದ್ದಿಗೆ ಬಿದ್ದು ‘ಫ್ರೀ ಆಫರ್’ ನೀಡುತ್ತಿರುವುದರಿಂದ ಗ್ರಾಹಕರು ಮುಗಿಬೀಳುತ್ತಿದ್ದಾರೆ.

ಸುಂಟಿಕೊಪ್ಪ ಪಟ್ಟಣದ ಜನತಾ ಕಾಲೋನಿ ಗ್ರಾಮ ಪಂಚಾಯಿತಿಗೆ ಸೇರಿದ ಮಾರುಕಟ್ಟೆ ಮಳಿಗೆಯಲ್ಲಿ ೧ ಕೆ.ಜಿ. ಕೋಳಿ ಮಾಂಸವನ್ನು ಖರೀದಿಸಿದರೆ ೨ ಮೊಟ್ಟೆಗಳನ್ನು ನೀಡಲಾಗುತಿತ್ತು. ಹೆದ್ದಾರಿ ಬದಿಯಲ್ಲಿರುವ ವiಳಿಗೆಗಳಲ್ಲಿ ೧ ಕೆ.ಜಿ. ಮಾಂಸ ಖರೀದಿಸಿದರೆ ಚಿಕನ್ ಮಸಾಲೆಯನ್ನು ಉಚಿತವಾಗಿ ನೀಡಲಾಗುತ್ತಿತ್ತು.

ಈ ವಾರ ಗ್ರಾಹಕರನ್ನು ಸೆಳೆಯುವ ನಿಟ್ಟಿನಲ್ಲಿ ಗ್ರಾಮ ಪಂಚಾಯಿತಿಗೆ ಸೇರಿದ ಮಾರುಕಟ್ಟೆ ಮಳಿಗೆಯಲ್ಲಿ ಕಳೆದ ೧ ಕೆ.ಜಿ. ಕೋಳಿ ಮಾಂಸವನ್ನು ಖರೀದಿಸಿದರೆ ಅರ್ಧ ಕೆ.ಜಿ. ಈರುಳ್ಳಿಯನ್ನು ನೀಡಲಾಗಿದೆ. ಹೆದ್ದಾರಿ ಬದಿಯಲ್ಲಿರುವ ವiಳಿಗೆಗಳಲ್ಲಿ ೧ ಕೆ.ಜಿ. ಮಾಂಸ ಖರೀದಿಸಿದರೆ ೨ ಮೊಟ್ಟೆಗಳನ್ನು ನೀಡಲಾಗುತ್ತಿತ್ತು. ಇದರಿಂದ ಕುಕ್ಕುಟ್ಟು ಪ್ರಿಯರು ಮುಗಿ ಬಿದ್ದು ಫ್ರಿ ಆಫರ್ ಸದುಪಯೋಗ ಪಡಿಸಿಕೊಂಡು ಮುಂದಿನ ಇನ್ಯಾವ ಫ್ರೀ ಆಫರ್ ನೀಡುವರು ಎಂದು ಮನದಲ್ಲಿ ಅಂದುಕೊಳ್ಳುತ್ತಿದ್ದರು.