ವೀರಾಜಪೇಟೆ, ಜು. ೩೦: ಭಾರಿ ಮಳೆಯಿಂದ ನಿಯಂತ್ರಣ ಕಳೆದುಕೊಂಡು ರಸ್ತೆಗೆ ಬಿದ್ದ ಬೈಕ್ ಸವಾರ ಕಾರಿಗೆ ಸಿಲುಕಿ ದುರ್ಮರಣಕ್ಕೀಡಾದ ಧಾರುಣ ಘಟನೆ ವೀರಾಜಪೇಟೆ ಸಮೀಪದ ಆರ್ಜಿ ಗ್ರಾಮದ ಮುಖ್ಯ ರಸ್ತೆಯಲ್ಲಿ ನಡೆದಿದೆ.

ಪೆರುಂಬಾಡಿ ನಿವಾಸಿ ಮಧು ಎಂಬವರ ಪುತ್ರ ಚಂದನ್ (೨೪) ಮೃತ ದುರ್ದೈವಿ. ವೀರಾಜಪೇಟೆಯ ಬಜಾಜ್ ಫೈನಾನ್ಸ್ ಶಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಚಂದನ್ ತಿಂಗಳಾAತ್ಯದ ಕೆಲಸ ಒತ್ತಡವಿದ್ದ ಹಿನ್ನೆಲೆ ರಾತ್ರಿ ೧೦.೩೦ರ ತನಕ ಕರ್ತವ್ಯ ನಿರ್ವಹಿಸಿ ೧೧ ಗಂಟೆಗೆ ಮನೆಗೆ ಹಿಂದಿರುಗುವ ಸಂದರ್ಭ ಆರ್ಜಿ ಬಳಿ ಗದ್ದೆ ಸಂಪೂರ್ಣ ಜಲಾವೃತಗೊಂಡಿದ್ದು, ದ್ವಿಚಕ್ರ ವಾಹನ ನೀರಿನಲ್ಲಿ ಸಿಲುಕಿಕೊಂಡು ಬೈಕ್ ಸಹಿತ ಚಂದನ್ ರಸ್ತೆಗೆ ಬಿದ್ದಿದ್ದಾನೆ. ಈ ಸಂದರ್ಭ ವೀರಾಜಪೇಟೆ ಚಿಕ್ಕಪೇಟೆ ನಿವಾಸಿ ಅಚ್ಚಯ್ಯ ಮತ್ತು ಕುಟುಂಬ ತಮ್ಮ ಕಾರಿನಲ್ಲಿ ಮಟ್ಟನೂರಿಗೆ ತೆರಳುತ್ತಿದ್ದರು. ಚಂದನ್ ರಸ್ತೆಯಲ್ಲಿ ಬಿದ್ದಿರುವುದು ತಿಳಿಯದೆ ಚಂದನ್ ಹಾಕಿಕೊಂಡಿದ್ದ ಬ್ಯಾಗ್ ಮತ್ತು ಧರಿಸಿದ್ದ ಜಾಕೆಟ್ ಕಾರಿನ ಬಾನೆಟ್‌ಗೆ ಸಿಕ್ಕಿಕೊಂಡು ಬಹುದೂರದ ತನಕ ಕಾರ್ ಎಳೆದೊಯ್ದಿದೆ.

ಅಪಘಾತದಲ್ಲಿ ಯುವಕ ದುರ್ಮರಣ

(ಮೊದಲ ಪುಟದಿಂದ) ನಂತರ ಕಾರಿನಿಂದ ಬೇರ್ಪಟ್ಟ ಚಂದನ್ ದೇಹ ಪೆರುಂಬಾಡಿ ಪೊಲೀಸ್ ತಪಾಸಣೆ ಕೇಂದ್ರದ ಬಳಿ ದೊರೆತಿದೆ. ಅದೇ ಮಾರ್ಗದಲ್ಲಿ ಸಂಚರಿಸುತಿದ್ದ ವಾಹನದ ಚಾಲಕನಿಗೆ ಯುವಕ ಸಾವನ್ನಪ್ಪಿರುವುದು ತಿಳಿದು ೧೧೨ ಸಹಾಯವಾಣಿಗೆ ಕರೆ ಮಾಡಿ ವಿಷಯ ತಿಳಿಸಿ ಅಪಘಾತ ಮಾಡಿದ ಕಾರನ್ನು ಪತ್ತೆಹಚ್ಚುವ ಸಲುವಾಗಿ ಸ್ಥಳದಲ್ಲಿದ್ದ ವ್ಯಕ್ತಿಯೋರ್ವ ತನ್ನ ಬೊಲೆರೋ ಕಾರಿನಲ್ಲಿ ಹಿಂಬಾಲಿಸಿದ ಸಂದರ್ಭ ಚಂದನ್ ಧರಿಸಿದ್ದ ಬ್ಯಾಗ್‌ನ ತುಂಡು ಕಾರೊಂದರಲ್ಲಿ ಸಿಕ್ಕಿಕೊಂಡಿದ್ದು ಕಂಡುಬAದಿದೆ. ಕಾರಿನ ಸುಳಿವನ್ನು ಪೊಲೀಸರಿಗೆ ನೀಡಿದ ನಂತರ ಪೊಲೀಸರು ವಾಹನವನ್ನು ವಶಕ್ಕೆ ಪಡೆದು ಚಾಲಕನ ವಿರುದ್ಧ ನಗರ ಪೊಲೀಸ್ ಠಾಣೆಯಲ್ಲಿ ಬಿ.ಎನ್.ಎಸ್. ೨೮೧ ಮತ್ತು ೧೦೬ ಅನ್ವಯ ಪ್ರಕರಣ ದಾಖಲಿಸಿಕೊಂಡು ಅಪಘಾತಕ್ಕೀಡಾದ ವಾಹನಗಳನ್ನು ವಶಕ್ಕೆ ಪಡೆದು ಮುಂದಿನ ಕಾನೂನು ಕ್ರಮ ಜರುಗಿಸಿದ್ದಾರೆ. - ಕಿಶೋರ್ ಕುಮಾರ್ ಶೆಟ್ಟಿ