ಗೋಣಿಕೊಪ್ಪಲು, ಆ. 1: ಗೋಣಿಕೊಪ್ಪ ಸಮೀಪದ ಕಳತ್ಮಾಡ್ ಲಯನ್ಸ್ ಸಂಯುಕ್ತ ಪದವಿಪೂರ್ವ ಕಾಲೇಜಿನಲ್ಲಿ ಲಯನ್ಸ್ ಕ್ಲಬ್ ವತಿಯಿಂದ ಲಿಯೊ ಕ್ಲಬ್ ಪದಗ್ರಹಣ ಕಾರ್ಯಕ್ರಮವು ಗೋಣಿಕೊಪ್ಪ ಲಯನ್ಸ್ ಕ್ಲಬ್ ಅಧ್ಯಕ್ಷ ಸಿ.ಟಿ. ಅಪ್ಪಣ್ಣ ಅಧ್ಯಕ್ಷತೆಯಲ್ಲಿ ಕಾಲೇಜಿನ ಸಭಾಂಗಣದಲ್ಲಿ ನಡೆಯಿತು. ನೂತನ ಸಾಲಿನ ಲಿಯೊ ಕ್ಲಬ್‌ನ ಅಧ್ಯಕ್ಷರಾಗಿ ಲಿಖಿನ್, ಉಪಾಧ್ಯಕ್ಷರಾಗಿ ತೇಜಸ್, ಕಾರ್ಯದರ್ಶಿಯಾಗಿ ದೃಶ್ಯ ಹಾಗೂ ಖಜಾಂಚಿಯಾಗಿ ಹರ್ಷಿತ್ ಅಧಿಕಾರ ಸ್ವೀಕರಿಸಿದರು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಮಂಗಳೂರಿನ ಲಯನ್ಸ್ ಲಿಯೊ ನಿಕಟಪೂರ್ವ ಅಧ್ಯಕ್ಷರಾದ ಸೌಜನ್ಯ ಹೆಗಡೆ ನೂತನವಾಗಿ ಆಯ್ಕೆಯಾದ ಲಿಯೊ ಕ್ಲಬ್‌ನ ಪದಾಧಿಕಾರಿಗಳಿಗೆ ಅಧಿಕಾರ ಹಸ್ತಾಂತರ ಮಾಡಿ ಮಾತನಾಡಿ, ವಿದ್ಯಾರ್ಥಿಗಳು ತಮ್ಮ ಕಲಿಕೆಯೊಂದಿಗೆ ಇಂತಹ ಕಾರ್ಯಕ್ರಮದಲ್ಲಿ ಭಾಗಿಯಾಗುವ ಮೂಲಕ ಸಮಾಜಮುಖಿ ಕೆಲಸ ಮಾಡುವ ನಿಟ್ಟಿನಲ್ಲಿ ತಮ್ಮನ್ನು ಈಗಿನಿಂದಲೇ ತೊಡಗಿಸಿಕೊಳ್ಳಬೇಕು ಎಂದರು.

ಲಯನ್ಸ್ ಟ್ರಸ್ಟ್ನ ಮುಖ್ಯಸ್ಥ ಪಿ.ಎನ್. ಪೆಮ್ಮಯ್ಯ, ಲಯನ್ಸ್ ಪ್ರಾಂಥೀಯ ಅಧ್ಯಕ್ಷೆ ಕನಿಕಾ ಅಯ್ಯಪ್ಪ, ವಲಯ ಅಧ್ಯಕ್ಷ ಮಹಾದೇವಪ್ಪ, ಕಾರ್ಯದರ್ಶಿ ಪಿ.ಎಸ್. ಶ್ರೀಮಂತ್, ಖಜಾಂಚಿ ಎಂ. ಸಚಿನ್ ಬೆಳ್ಯಪ್ಪ, ಸದಸ್ಯರಾದ ಅಲ್ಲುಮಾಡ ಸುನೀಲ್, ಪಟ್ಟಡ ಧನು ಉತ್ತಯ್ಯ ಸೇರಿದಂತೆ ಇನ್ನಿತರ ಗಣ್ಯರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಲಯನ್ಸ್ನ ಪ್ರಮುಖ ಜಮ್ಮಡ ಮೋಹನ್, ಮನ್ನಕ್ಕಮನೆ ಬಾಲಕೃಷ್ಣ, ಕಾಲೇಜಿನ ಪ್ರಾಂಶುಪಾಲೆ ಲತ ಬೋಪಣ್ಣ, ಮುಖ್ಯೋಪಾಧ್ಯಾಯರಾದ ಗಾನ, ಮನ್ನಕ್ಕಮನೆ ಸೌಮ್ಯಬಾಲು ಸೇರಿದಂತೆ ಮುಂತಾದವರು ಹಾಜರಿದ್ದರು.

ಗೋಣಿಕೊಪ್ಪ ಲಯನ್ಸ್ ಕ್ಲಬ್‌ನ ಅಧ್ಯಕ್ಷ ಸಿ.ಟಿ. ಅಪ್ಪಣ್ಣ ಸ್ವಾಗತಿಸಿ, ವಿದ್ಯಾರ್ಥಿ ಅದ್ವಿಕ ನಿರೂಪಿಸಿ, ಲಿಯೊ ಕ್ಲಬ್‌ನ ಕಾರ್ಯದರ್ಶಿ ದೃಶ್ಯ ವಂದಿಸಿದರು.