ಶನಿವಾರಸಂತೆ/ ಮುಳ್ಳೂರು, ಆ. ೩: ಸಮೀಪದ ಕೊಡ್ಲಿಪೇಟೆ-ಸಕಲೇಶಪುರ ರಾಜ್ಯ ಹೆದ್ದಾರಿಯಲ್ಲಿ ಶಾಂತಪುರ ಸೇತುವೆ ಬಳಿ ಇಳಿಜಾರಿನಲ್ಲಿ ಶನಿವಾರ ಬೆಳಿಗ್ಗೆ ಕಾರು ಹಾಗೂ ಸರ್ಕಾರಿ ಬಸ್ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ವ್ಯಕ್ತಿಯೊಬ್ಬರು ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಕೊಡ್ಲಿಪೇಟೆಯಿಂದ ಕಾಗನೂರಿಗೆ ತೆರಳುತ್ತಿದ್ದ ಪುನಿತ್ ಎಂಬವರಿಗೆ ಸೇರಿದ ಕಾರು ಹಾಗೂ ಚಿಕ್ಕಮಗಳೂರಿನಿಂದ ಮಡಿಕೇರಿಗೆ ಬರುತ್ತಿದ್ದ ಬಸ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ಕಾರಿನಲ್ಲಿದ್ದ ೭ ಮಂದಿ ಗಾಯ ಗೊಂಡಿದ್ದು ಮುಂಭಾಗದಲ್ಲಿದ್ದ ಚಾಲಕ ಮಹೇಂದ್ರ ಹಾಗೂ ಅವರ ಪುತ್ರಿ ಮಾನ್ವಿತಾ (೯) ಮತ್ತು ರಂಗೇಗೌಡ (೮೦) ಗಂಭೀರವಾಗಿ ಗಾಯಗೊಂಡಿದ್ದರು.