ಪೊನ್ನಂಪೇಟೆ, ಆ. ೩: ತಾ. ೫ ರಂದು ಪೊನ್ನಂಪೇಟೆ ಮತ್ತು ತಿತಿಮತಿ ವಲಯ ಅರಣ್ಯ ವ್ಯಾಪ್ತಿಗೆ ಒಳಪಡುವ ಕಿರುಗೂರು, ಮತ್ತೂರು, ಪೊನ್ನಂಪೇಟೆ, ಅರ್ವತೊಕ್ಲು, ನಲ್ಲೂರು, ಮಾಯಮುಡಿ ಹಾಗೂ ಬಾಳಾಜಿ ಗ್ರಾಮದ ಕಾಫಿ ತೋಟಗಳಲ್ಲಿ ಬೀಡುಬಿಟ್ಟಿರುವ ಕಾಡಾನೆಗಳನ್ನು ಕಾಡಿಗೆ ಅಟ್ಟುವ ಕಾರ್ಯಾಚರಣೆ ನಡೆಯಲಿದೆ. ಆದ್ದರಿಂದ ಈ ಭಾಗದ ಸಾರ್ವಜನಿಕರು, ತೋಟದ ಮಾಲೀಕರು, ಶಾಲಾ ಕಾಲೇಜು ಮಕ್ಕಳು, ಕೂಲಿ ಕಾರ್ಮಿಕರು, ಸಂಘ ಸಂಸ್ಥೆಯವರು ಎಚ್ಚರವಹಿಸುವಂತೆ ಪೊನ್ನಂಪೇಟೆ ವಲಯ ಅರಣ್ಯಾಧಿಕಾರಿ ಶಂಕರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕಾಡಾನೆಗಳ ಇರುವಿಕೆ ಬಗ್ಗೆ ಮಾಹಿತಿ ಇದ್ದಲ್ಲಿ ಪೊನ್ನಂಪೇಟೆ ಶಾಖೆ ಡಿಆರ್‌ಎಫ್‌ಓ ದಿವಾಕರ್ ೮೧೪೭೫೦೮೨೪೨, ದೇವಮಚ್ಚಿ ಶಾಖೆ ಡಿಆರ್ ಎಫ್‌ಓ ಪ್ರಶಾಂತ್ ೯೬೨೦೬೭೦೯೯೦ ಇವರಿಗೆ ಮಾಹಿತಿ ನೀಡಬಹುದಾಗಿದೆ.