ಮಡಿಕೇರಿ, ಅ. ೫: ಶ್ರೀ ಕಾವೇರಿ ದಸರಾ ಸಮಿತಿ ವತಿಯಿಂದ ೪೬ನೇ ವರ್ಷದ ಗೋಣಿಕೊಪ್ಪಲು ದಸರಾ ಜನೋತ್ಸವ ಅಂಗವಾಗಿ ಮಹಿಳಾ ದಸರಾ ಕಾರ್ಯಕ್ರಮ ತಾ. ೬ ರಂದು (ಇಂದು) ಹಮ್ಮಿಕೊಳ್ಳಲಾಗಿದೆ.

ಕಾವೇರಿ ಕಲಾ ವೇದಿಕೆಯಲ್ಲಿ ಬೆಳಿಗ್ಗೆ ೧೦ ಗಂಟೆಗೆ ಕಾರ್ಯಕ್ರಮ ಆರಂಭಗೊಳ್ಳಲಿದೆ. ಬೆಳಿಗ್ಗೆ ಹಗ್ಗ ಜಗ್ಗಾಟ, ರಂಗೋಲಿ ಸ್ಪರ್ಧೆ, ಬಾಲ್ ಇನ್ ದ ಬಾಸ್ಕೆಟ್, ಕೈಕಟ್ಟಿ ಸೇಬನ್ನು ತಿನ್ನುವ ಸ್ಪರ್ಧೆ ಮಹಿಳೆಯರಿಗಾಗಿ ಏರ್ಪಡಿಸಲಾಗಿದೆ. ೧೨ ಗಂಟೆ ನಂತರ ಜಾನಪದ ಗೀತೆ ಸ್ಪರ್ಧೆ, ಸಾಮೂಹಿಕ ನೃತ್ಯ, ಫ್ಯಾಶನ್ ಶೋ ನಡೆಯಲಿದೆ.

ಸಂಜೆ ೬ ರಿಂದ ೮ ಗಂಟೆ ತನಕ ತಿತಿಮತಿಯ್ಯ ಯಾಹವಿ ಡ್ಯಾನ್ಸ್ ಅಕಾಡೆಮಿಯಿಂದ ನೃತ್ಯ ಮತ್ತು ಕಾವೇರಿ ಅಯ್ಯಪ್ಪ ಮತ್ತು ತಂಡದವರಿAದ ಹಾಡುಗಾರಿಕೆ ಇರಲಿದೆ. ರಾತ್ರಿ ೯ ಗಂಟೆಗೆ ಮೊದಲ ಬಾರಿಗೆ ಕಾವೇರಿ ಕಲಾ ವೇದಿಕೆಯಲ್ಲಿ ಆಫ್ರಿಕನ್ ಸಂಗೀತ ವಾದ್ಯಗಳ ರಸ ಸಂಜೆ ಸ್ವಹಾ ತಂಡದಿAದ ನಡೆಯಲಿದೆ. ಅಭಿನಂದ ಅವರ ಬಾಲ್ ಬ್ಯಾಲೆನ್ಸಿಂಗ್, ಸರಿಗಮಪ ಖ್ಯಾತಿಯ ಪೃಥ್ವಿ ಭಟ್ ಮತ್ತು ಗಾಯಕ ವಿನೋದ್ ಗೌಡ ಅವರಿಂದ ಗಾಯನ, ರೋಬೋ ಗಣೇಶ್ ಅವರಿಂದ ರೋಬೋಟಿಕ್ ಡ್ಯಾನ್ಸ್ ಆಯೋಜಿತಗೊಂಡಿದೆ.