ಮಡಿಕೇರಿ, ಅ. ೬: ಗೋಣಿಕೊಪ್ಪ ದಸರಾ ಜನೋತ್ಸವ ಅಂಗವಾಗಿ ಕಾವೇರಿ ಕಲಾ ವೇದಿಕೆಯಲ್ಲಿ ನಡೆಯುತ್ತಿರುವ ಸಾಂಸ್ಕೃತಿಕ ಕಾರ್ಯಕ್ರಮ ಅಂಗವಾಗಿ ತಾ. ೭ ರಂದು (ಇಂದು) ಖ್ಯಾತ ಹಾಸ್ಯ ಕಲಾವಿದರಿಂದ ಹಾಸ್ಯದ ಹೊನಲು, ಗಾಯಕರಿಂದ ಗಾನ ವೈಭವ ಮೂಡಿಬರಲಿದೆ.

ರಾತ್ರಿ ೮ ಗಂಟೆ ನಂತರ ಜಿ.ಟಿವಿ ಹಾಗೂ ಕಲರ್ಸ್ ಕನ್ನಡ ವಾಹಿನಿಗಳ ರಿಯಾಲಿಟಿ ಶೋ ಕಲಾವಿದರುಗಳು ಹಾಸ್ಯದ ಹೊನಲು ಹರಿಸಲಿದ್ದಾರೆ. ಮಜಾ ಭಾರತ ಹಾಗೂ ಗಿಚ್ಚಿಗಿಲಿಗಿಲಿ ಖ್ಯಾತಿಯ ರಾಗಿಣಿ ಅಲಿಯಾಸ್ ರಾಘವೇಂದ್ರ, ಗಿಚ್ಚಿ ಗಿಲಿಗಿಲಿ ಹಾಗೂ ಬಿಗ್ ಬಾಸ್ ಖ್ಯಾತಿಯ ತುಕಾಲಿ ಸಂತೋಷ್, ಗಿಚ್ಚಿಗಿಲಿಗಿಲಿ ವಿಜೇತ ಚಂದ್ರಪ್ರಭ, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಸೂರ್ಯ ಅವರುಗಳಿಂದ ಹಾಸ್ಯದ ಸ್ಕಿಟ್‌ಗಳು ಮೂಡಿಬರಲಿವೆ.

ಸರಿಗಮಪ ಸೀಸನ್ ೨೦ರ ವಿಜೇತೆ ಅಮೂಲ್ಯ, ಫೈನಲಿಸ್ಟ್ ದರ್ಶನ್ ನಾರಾಯಣ್ ಅವರಿಂದ ಸಂಗೀತ ಕಾರ್ಯಕ್ರಮ ಆಯೋಜಿತಗೊಂಡಿದೆ.

ಸಂಜೆ ೬ ರಿಂದ ೮ರ ಅವಧಿಯಲ್ಲಿ ಪೊಲೀಸ್ ತಂಡದವರಿAದ ಸಾಂಸ್ಕೃತಿಕ ಕಾರ್ಯಕ್ರಮ, ಜಗನ್ಮೋಹನ ನಾಟ್ಯಾಲಯ ವಿದ್ಯಾರ್ಥಿಗಳಿಂದ ನೃತ್ಯ ಪ್ರದರ್ಶನ ನಡೆಯಲಿದೆ.