ಮಡಿಕೇರಿ, ಅ. ೬: ೨೦೨೪ರ ರಾಷ್ಟçಮಟ್ಟದ ಅಥ್ಲೆಟಿಕ್ ಚಾಂಪಿಯನ್ ಶಿಪ್ ಹೈದರಾಬಾದಿನ ಗಾಚಿಬೋವ್ಲಿ ಸ್ಟೇಡಿಯಂನಲ್ಲಿ ನಡೆಯಿತು. ಗೋಣಿಕೊಪ್ಪಲಿನ ಕ್ಯಾಲ್ಸ್ ಹಾಗೂ ಅಶ್ವಿನಿ ಸ್ಪೋರ್ಟ್ಸ್ ಫೌಂಡೇಶನ್‌ನ ೧೬ ಅಥ್ಲೀಟ್‌ಗಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದರು. ೭ ಚಿನ್ನ, ೩ ಬೆಳ್ಳಿ ಹಾಗೂ ೨ ಕಂಚಿನ ಪದಕಗಳನ್ನು ಪಡೆದು ಒಟ್ಟು ೧೨ ಪದಕಗಳನ್ನು ತಮ್ಮದಾಗಿಸಿ ಕೊಂಡಿದ್ದಾರೆ. ಅಲ್ಲದೆ ಶಾಲೆಯ ಐವರು ಕ್ರೀಡಾಪಟುಗಳಿಂದ ದವಲ್ ದೇವಯ್ಯ, ಸ್ವಯಂ ಬೋಪಯ್ಯ, ನಿಶ್ಚಲ್ ಗೌಡ, ನೀಲಮ್ಮ ಕೆ.ಎಂ., ಗಗನ್ ಎ.ಎಸ್. ಸ್ಕೂಲ್ ಗೇಮ್ ಫೆಡರೇಶನ್ ಆಫ್ ಇಂಡಿಯಾಗೆ ಅಯ್ಕೆಯಾಗಿದ್ದು, ಸಿಐಎಸ್‌ಸಿಇ ಬೋರ್ಡ್ ನವದೆಹಲಿಯಲ್ಲಿ ರಾಷ್ಟçಮಟ್ಟದಲ್ಲಿ ಪ್ರತಿನಿಧಿಸಲಿದ್ದಾರೆ.೧೯ ವರ್ಷದೊಳಗಿನ ೪x೧೦೦ ಮೀ. ರಿಲೇಯಲ್ಲಿ ಎ.ಎಸ್. ಗಗನ ಚಿನ್ನ, ೧೭ ವರ್ಷದೊಳಗಿನ ರಿಲೇಯಲ್ಲಿ ಜನ್ಯ ಬೊಳ್ಳಮ್ಮ, ಕೆ.ಎಂ. ನೀಲಮ್ಮ, ೪x೧೦೦ ಮೀ. ರಿಲೇ ೧೭ ವರ್ಷದೊಳಗಿನ ವಿಭಾಗದಲ್ಲಿ ಆರ್. ಮಿಠಾಯಿವಾಲ, ೪x೪೦೦ ಮೀ. ರಿಲೇಯಲ್ಲಿ ಸ್ವಯಂ ಬೋಪಯ್ಯ, ದವಲ್ ದೇವಯ್ಯ, ಸಾಯಿರೆಡ್ಡಿ ಚಿನ್ನದ ಪದಕ ಪಡೆದುಕೊಂಡರು.

೪೦೦ ಮೀ. ಓಟದಲ್ಲಿ ದವಲ್ ದೇವಯ್ಯ, ೫ ಕಿ.ಮೀ. ರೇಸ್ ವಾಕಿಂಗ್‌ನಲ್ಲಿ ನಿಶ್ವಲ್ ಗೌಡ, ೮೦೦ ಮೀ. ಓಟದಲ್ಲಿ ಸ್ವಯಂ ಬೋಪಯ್ಯ ಬೆಳ್ಳಿ ಪದಕ ಗೆದ್ದುಕೊಂಡರು.

೩ ಕಿ.ಮೀ. ರೇಸ್ ವಾಕಿಂಗ್‌ನಲ್ಲಿ ಇನುಶ್ ಆದರ್ಶ್, ೮೦೦ ಮೀ. ಓಟದಲ್ಲಿ ದರ್ಶನ್ ಸಾಯಿರೆಡ್ಡಿ ಕಂಚಿನ ಪದಕ ತಮ್ಮದಾಗಿಸಿ ಕೊಂಡರು.