ಶನಿವಾರಸಂತೆ, ಅ. ೬: ಸಮೀಪದ ಕೊಡ್ಲಿಪೇಟೆ ಹೋಬಳಿಯ ಬೆಸೂರು ಕ್ಲಸ್ಟರ್ ವ್ಯಾಪ್ತಿಯಲ್ಲಿ ವರ್ಗಾವಣೆಗೊಂಡ ಐವರು ಶಿಕ್ಷಕರಾದ ಜಾನ್‌ಪಾಲ್, ಯಶವಂತ್, ರಾಘವೇಂದ್ರ, ಉಷಾ ಮತ್ತು ತುಳಸಿ ಅವರುಗಳಿಗೆ ಬೀಳ್ಕೊಡುಗೆ ಏರ್ಪಡಿಸಲಾಗಿತ್ತು.

ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ ಸೋಮವಾರಪೇಟೆ ತಾಲೂಕು ಘಟಕದ ಕಾರ್ಯದರ್ಶಿ ಕವಿತಾ, ರಾಜ್ಯ ಸರಕಾರಿ ನೌಕರರ ಸಂಘದ ನಿರ್ದೇಶಕ ಜೆ.ಡಿ. ಸುರೇಶ್ ಹಾಗೂ ಬೆಸೂರು ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಶಶಿಕಲಾ ಮಾತನಾಡಿ, ಐವರು ಶಿಕ್ಷಕರ ಸೇವೆಯನ್ನು ಶ್ಲಾಘಿಸಿದರು.

ಕಾರ್ಯಕ್ರಮದಲ್ಲಿ ಶಾಲೆಗೆ ಕುರ್ಚಿಗಳ ಕೊಡುಗೆ ನೀಡಿದ ದಾನಿ ಬೆಸೂರು ವ್ಯವಸಾಯೋತ್ಪನ್ನ ಸೇವಾ ಸಹಕಾರ ಸಂಘದ ಅಧ್ಯಕ್ಷ ವಿರೂಪಾಕ್ಷ, ಜಿಲ್ಲಾಮಟ್ಟದ ಅತ್ಯುತ್ತಮ ಶಿಕ್ಷಕಿ ಪ್ರಶಸ್ತಿ ಪುರಸ್ಕೃತೆ ಕಿರಿಕೊಡ್ಲಿ ಮಠದ ಶಾಲಾ ಮುಖ್ಯಶಿಕ್ಷಕಿ ತನುಜಾ ಹಾಗೂ ಪತ್ರಕರ್ತ ಫಾಸ್ಟರ್ ಫ್ರೆಡ್ಡಿ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ನ್ಯಾಯದಳ್ಳ ಶಾಲೆಯ ಮುಖ್ಯ ಶಿಕ್ಷಕಿ ಲಲಿತಾ ಅಧ್ಯಕ್ಷತೆ ವಹಿಸಿದ್ದರು. ಕೊಡ್ಲಿಪೇಟೆ ಕ್ಲಸ್ಟರ್‌ನ ಸಂಪನ್ಮೂಲ ವ್ಯಕ್ತಿ ರವೀಶ್, ಶಿಕ್ಷಕರಾದ ಮಹೇಶ್, ಧರ್ಮರಾಜ್, ವಿಷ್ಣುವರ್ಧನ್, ಹರೀಶ್, ಮಂಜುನಾಥ್, ಜ್ಯೋತಿ ಕುಮಾರಿ, ತೇಜಾವತಿ, ಕಾವ್ಯಾ, ಕ್ಲಸ್ಟರ್ ವ್ಯಾಪ್ತಿಯ ಇತರ ಶಿಕ್ಷಕರು, ಪೋಷಕರು ಹಾಜರಿದ್ದರು. ಮುಖ್ಯ ಶಿಕ್ಷಕ ಜೆ.ಡಿ. ಸುರೇಶ್ ಹಾಗೂ ಶಿಕ್ಷಕಿ ಮಂಜುಳಾ ಮಣಿ ಕಾರ್ಯಕ್ರಮ ನಿರ್ವಹಿಸಿದರು.