ಮಡಿಕೇರಿ, ಅ. ೨೫: ಮರಗೋಡು ಗ್ರಾಮದಲ್ಲಿ ತಾ. ೦೧.೧೧.೧೯೯೬ ರಲ್ಲಿ ಸ್ಥಾಪನೆಗೊಂಡ ಶ್ರೀ ಗಣಪತಿ ದೇವಸ್ಥಾನದ ೨೮ನೇ ವರ್ಷದ ವಾರ್ಷಿಕ ಪೂಜಾ ಕಾರ್ಯಕ್ರಮ ತಾ. ೩೧ ರಂದು ನಡೆಯಲಿದೆ.

ಅಂದು ಸಂಜೆ ೬.೩೦ ರಿಂದ ವಿವಿಧ ಪೂಜಾ ಕಾರ್ಯಕ್ರಮಗಳು ಪ್ರಾರಂಭವಾಗಿ ನವೆಂಬರ್ ೧ ರಂದು ಕಾರ್ಯಕ್ರಮ ಮುಕ್ತಾಯವಾಗಲಿದೆ. ದೇವಾಲಯದ ಗರ್ಭಗುಡಿಯ ಮುಂಭಾಗದ ಪ್ರಾಂಗಣಕ್ಕೆ ಛಾವಣಿ ಅಳವಡಿಸುವ ಕಾರ್ಯ ಭರದಿಂದ ಸಾಗುತ್ತಿದ್ದು ದಾನಿಗಳ ನೆರವಿನಿಂದ ಅಂದಾಜು ರೂ. ೧೦ ಲಕ್ಷ ವೆಚ್ಚದಲ್ಲಿ ಕಾಮಗಾರಿ ನಡೆಯುತ್ತಿದೆ. ನ. ೧ ರಂದು ಉತ್ಸವದ ಪ್ರಯುಕ್ತ ಭಕ್ತಾದಿಗಳಿಗೆ ಅನ್ನದಾನ ಕಲ್ಪಿಸಲಾಗಿದೆ.