ಮುಳ್ಳೂರು, ಅ. ೨೮: ಸಮೀಪದ ಆಲೂರು-ಸಿದ್ದಾಪುರ ರೋಟರಿ ಮಲ್ಲೇಶ್ವರ ಕ್ಲಬ್ ಸದಸ್ಯ ಮತ್ತು ಕೃಷಿಕ ಎ.ಎಸ್. ರಾಮಣ್ಣ ಅವರು ಬಾಣವಾರ ಮೀಸಲು ಅರಣ್ಯ ವ್ಯಾಪ್ತಿಯಲ್ಲಿ ವನ್ಯಜೀವಿಗಳ ಸಂಚಾರದ ಮಾಹಿತಿ, ಅರಣ್ಯ ರಕ್ಷಣೆ, ಬೆಂಕಿ ಅನಾಹುತದ ಮಾಹಿತಿ, ಅರಣ್ಯದೊಳಗೆ ತ್ಯಾಜ್ಯ ಎಸೆಯುತ್ತಿರುವ ಮಾಹಿತಿ ಸೇರಿದಂತೆ ಅರಣ್ಯ ಕಣ್ಗಾವಲಿಗಾಗಿ ಅರಣ್ಯ ಇಲಾಖೆಗೆ ಎಂಆರ್‌ಹೆಚ್‌ಎಫ್ ಸಿ.ಸಿ. ಕ್ಯಾಮರಾವನ್ನು ಕೊಡುಗೆಯಾಗಿ ನೀಡಿದರು.

ಆಲೂರುಸಿದ್ದಾಪುರ ರೋಟರಿ ಮಲ್ಲೇಶ್ವರ ಕ್ಲಬ್ ಸಹಯೋಗದಲ್ಲಿ ಬಾಣವಾರ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಸಿಸಿ ಕ್ಯಾಮರಾವನ್ನು ಹಸ್ತಾಂತರಿಸ ಲಾಯಿತು. ಈ ಸಂದರ್ಭ ದಾನಿ ಮತ್ತು ರೋಟರಿ ಸದಸ್ಯ ಎ.ಎಸ್. ರಾಮಣ್ಣ, ರೋಟರಿ ಕ್ಲಬ್ ಅಧ್ಯಕ್ಷ ದಯಾನಂದ್, ಕಾರ್ಯದರ್ಶಿ ಕಿರಣ್, ವಲಯ ಸೇನಾನಿ ಉದಯಕುಮಾರ್, ರೋಟರಿ ಸದಸ್ಯ ಶಿವಪ್ರಕಾಶ್ ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ಹಾಜರಿದ್ದರು.