ಸೋಮವಾರಪೇಟೆ, ಅ. ೨೮ : ಎಸ್‌ವೈಎಸ್ ಸೋಮವಾರಪೇಟೆ ಸರ್ಕಲ್ ಮತ್ತು ಬೆಂಗಳೂರಿನ ವಿಷನ್ ಸ್ಪಿçಂಗ್ ವತಿಯಿಂದ ಇಲ್ಲಿನ ಕನ್ನಡ ಸಾಹಿತ್ಯ ಪರಿಷತ್ ಭವನದಲ್ಲಿ ಉಚಿತ ನೇತ್ರ ತಪಾಸಣೆ ನಡೆಸಿ, ಕನ್ನಡಕ ವಿತರಿಸಲಾಯಿತು.

ಕಾರ್ಯಕ್ರಮವನ್ನು ಎಸ್‌ವೈಎಸ್ ಸೋಮವಾರಪೇಟೆ ಸರ್ಕಲ್ ಅಧ್ಯಕ್ಷ ಶಾಫಿ ಸಹದಿ ಉದ್ಘಾಟಿಸಿದರು. ನಂತರ ಮಾತನಾಡಿ, ಮನುಷ್ಯನ ದೇಹದ ಎಲ್ಲಾ ಅಂಗಗಳು ಮುಖ್ಯವಾಗಿದ್ದರೂ, ಕಣ್ಣು ಪ್ರಮುಖದ್ದಾಗಿದೆ. ಎಲ್ಲರೂ ತಮ್ಮ ಕಣ್ಣಿನ ಬಗ್ಗೆ ಹೆಚ್ಚಿನ ಜಾಗ್ರತೆ ವಹಿಸಬೇಕಿದೆ. ಕಾಲಕಾಲಕ್ಕೆ ವೈದ್ಯರಿಂದ ತಪಾಸಣೆ ಮಾಡಿಸಿ, ಅವರ ಸಲಹೆ ಸೂಚನೆಗಳನ್ನು ಪಾಲಿಸಬೇಕೆಂದರು.

ಕಾರ್ಯಕ್ರಮದಲ್ಲಿ ಬೆಂಗಳೂರಿನ ವಿಷನ್ ಸ್ಪಿçಂಗ್‌ನ ಅವಿನಾಶ್, ಸುರಕ್ಷಾ, ಅಶ್ರಿತ, ಅಮಿತ್ ಮತ್ತಿತರರು ಇದ್ದರು. ೧೩೦ಕ್ಕೂ ಹೆಚ್ಚಿನ ಜನರು ನೇತ್ರ ತಪಾಸಣೆಯಲ್ಲಿ ಪಾಲ್ಗೊಂಡಿದ್ದರು.