ಚೆಯ್ಯಂಡಾಣೆ, ಅ. ೨೭: ಕರ್ನಾಟಕ ಮುಸ್ಲಿಂ ಜಮಾಅತ್, ಎಸ್.ವೈ. ಎಸ್.ಎಸ್.ಎಸ್.ಎಫ್. ಕುಶಾಲನಗರ ಯೂನಿಟ್ ವತಿಯಿಂದ ವಿಷನ್ ಸ್ಪಿçಂಗ್ ಫೌಂಡೇಶನ್ ಹಾಗೂ ಆಶೋದಯ ಸಮಿತಿಯ ಪ್ರಾಯೋಜಕತ್ವದಲ್ಲಿ ಕುಶಾಲನಗರದಲ್ಲಿ ಉಚಿತ ನೇತ್ರ ತಪಾಸಣಾ, ಮದುಮೇಹ ಹಾಗೂ ರಕ್ತದೊತ್ತಡ ತಪಾಸಣಾ ಶಿಬಿರ ನಡೆಯಿತು. ಕುಶಾಲನಗರದ ನೂರೇ ಮದೀನಾ ಹಿಪ್ಳುಲ್ ಖುರಾನ್ ಕಾಲೇಜು ಆವರಣದಲ್ಲಿ ನಡೆದ ಶಿಬಿರವನ್ನು ಕೆಎಂಜೆ ಹಾಗೂ ನೂರೇ ಮದೀನಾ ಕುಶಾಲನಗರ ಯೂನಿಟ್ ಅಧ್ಯಕ್ಷÀ ಅಬ್ದುಲ್ಲ ಮದನಿ ಉದ್ಘಾಟಿಸಿದರು. ಈ ಸಂದರ್ಭ ವಿಷನ್ ಸ್ಪಿçಂಗ್ ಫೌಂಡೇಶನ್‌ನ ಮಾಹೆ ಜಬೀನಾ ಮಾತನಾಡಿ ನಾವು ಕಾರ್ಮಿಕರಿಗೆ, ಸಂಘಟನೆಗಳ ಸದಸ್ಯರಿಗೆ ಹಾಗೂ ಸಾರ್ವಜನಿಕರಿಗೆ ಉಚಿತ ಕಣ್ಣಿನ ಅರೋಗ್ಯ ತಪಾಸಣೆ ನಡೆಸಿ ತೊಂದರೆ ಇರುವವರಿಗೆ ಉಚಿತವಾಗಿ ಕನ್ನಡಕವನ್ನು ನೀಡಲಾಗುವುದು. ಕಣ್ಣಿನ ತಪಾಸಣೆ ನಡೆಸಿದವರಿಗೆ ಶಸ್ತçಚಿಕಿತ್ಸೆಯ ಅಗತ್ಯವಿದ್ದಲ್ಲಿ ಅಂತವರನ್ನು ಮಡಿಕೇರಿ ಸರ್ಕಾರಿ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಶಿಫಾರಸು ಮಾಡಲಾಗುವುದು ಎಂದರು. ಆಶೋದಯ ಸಮಿತಿಯ ವಿದ್ಯಾ ಮಾತ ನಾಡಿದರು. ಶಿಬಿರದಲ್ಲಿ ÀÄಶಾಲನಗರ ವ್ಯಾಪ್ತಿಯ ೨೮೦ಕ್ಕೂ ಅಧಿಕ ಜನರು ಪಾಲ್ಗೊಂಡು ಶಿಬಿರದ ಪ್ರಯೋಜನ ಪಡೆದುಕೊಂಡರು. ಈ ಸಂದರ್ಭ ನೂರೇ ಮದೀನ ಹಿಫ್ಳುಲ್ ಖುರಾನ್ ಕಾಲೇಜು ಪ್ರಾಂಶುಪಾಲ ಹಾಫಿಝ್ ನಾಸಿಹ್ ಝೈನಿ, ಎಸ್.ವೈ.ಎಸ್ ಕುಶಾಲನಗರ ಯುನಿಟ್ ಅದ್ಯಕ್ಷ ಹಮೀದ್ ಮುಸ್ಲಿಯಾರ್, ಉಪಾಧ್ಯಕ್ಷ ಹಸೈನಾರ್, ಸದಸ್ಯರಾದ ಹುಸೈನ್, ತಾಸೀನ್, ಕೆಎಂಜೆ ಕುಶಾಲನಗರ ಯೂನಿಟ್ ಕಾರ್ಯದರ್ಶಿ ಹಂಝ ಮಾನಿ, ಹನೀಫ್, ತಾಸೀನ್, ಮೊಯ್ದೀನ್, ಎಸ್. ವೈ.ಎಸ್.ಎಸ್.ಎಸ್.ಎಫ್. ಕೆಎಂಜೆಯ ಪದಾಧಿಕಾರಿಗಳು, ಮತ್ತಿತರ ಪ್ರಮುಖರು ಹಾಜರಿದ್ದರು.