ವೀರಾಜಪೇಟೆ, ಅ. ೨೯: ಇಲ್ಲಿಗೆ ಸಮೀಪದ ಪುದುಕೋಟೆ ಗ್ರಾಮದ ಗದ್ದೆಯಲ್ಲಿ ಕಾಡಾನೆಗಳ ದಾಳಿಯಿಂದ ಅಪಾರ ಪ್ರಮಾಣದಲ್ಲಿ ಬೆಳೆ ನಾಶಗೊಂಡಿದೆ.

ಚೆಂಬೆಬೆಳ್ಳೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪುದುಕೊಟೆಯ ನಿವಾಸಿ ಮಂಡೆಪAಡ ಜಾಲಿ ಅವರ ಹಾಗೂ ಸನಿಹದ ಗದ್ದೆಗಳಲ್ಲಿ ಕಾಡಾನೆಗಳು ದಾಳಿ ನಡೆಸಿ ಅಪಾರ ಪ್ರಮಾಣದ ಭತ್ತದ ಬೆಳೆಗಳಿಗೆ ಹಾನಿಪಡಿಸಿವೆ. ಕಟಾವು ಹಂತದಲ್ಲಿದ್ದ ಫಸಲು ಕಾಡಾನೆಗಳ ಪಾಲಾಗಿದೆ. ಈ ಭಾಗದ ಕಾಫಿ ತೋಟಗಳಲ್ಲಿ ಬೀಡು ಬಿಟ್ಟಿರುವ ಕಾಡಾನೆಗಳಿಂದ ಸಮಸ್ಯೆಗಳು ಎದುರಾಗಿದ್ದ ಸಂದರ್ಭ ಅರಣ್ಯ ಇಲಾಖೆಯು ಕಾಡಾನೆಗಳನ್ನು ಕಾಡಿಗೆ ಅಟ್ಟುವ ಕಾರ್ಯಾಚರಣೆ ನಡೆಸಿದ್ದರು. ಅದರೆ ಕಾಡಾನೆಗಳು ಒಂದು ಭಾಗದಿಂದ ತೆರಳಿ ಮತ್ತೊಂದು ಭಾಗದಲ್ಲಿ ನೆಲೆನಿಂತು ದಾಂಧಲೆ ನಡೆಸುತ್ತಿರುವುದು ನಿತ್ಯ ಗೋಳಾಗಿದೆ. ಕಳೆದ ವರ್ಷ ಕಾಡಾನೆಗಳ ದಾಳಿಯಿಂದಾಗಿ ಗದ್ದೆ ಮತ್ತು ಕಾಫಿ ತೋಟ ಹಾನಿಗೊಂಡಿತ್ತು. ಅರಣ್ಯ ಇಲಾಖೆಗೆ ಪರಿಹಾರಕ್ಕಾಗಿ ಅರ್ಜಿಯನ್ನು ಸಲ್ಲಿಸಲಾಗಿತ್ತು. ಆದರೆ ವರ್ಷ ಕಳೆದರೂ ಪರಿಹಾರ ಹಣ ಕೈಸೇರಲಿಲ್ಲ. ಇದಲ್ಲದೆ ಕೆ. ಕುಮಾರ್ ಮತ್ತು ಪೊರ್ಕಂಡ ನಾಚಪ್ಪ ಅವರ ಗದ್ದೆಗಳಿಗೂ ಕಾಡಾನೆಗಳು ದಾಳಿ ನಡೆಸಿದ್ದು, ಬೆಳೆ ಹಾನಿಯಾಗಿದೆ ಎಂದು ಮಂಡೆಪAಡ ಜಾಲಿ ಅವರು ಅಳಲು ತೋಡಿಕೊಂಡಿದ್ದಾರೆ. ಮಾಹಿತಿ ಪಡೆದ ಅರಣ್ಯ ಇಲಾಖೆಯ ಸಿಬ್ಬಂದಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.