ಮಡಿಕೇರಿ, ನ. ೫: ಕರ್ನಾಟಕ ರಾಜ್ಯ ಅಮೆಚೂರ್ ಕಬಡ್ಡಿ ಅಸೋಸಿಯೇಷನ್ ಹಾಗೂ ಕೋಲಾರ ಜಿಲ್ಲಾ ಅಮೆಚೂರ್ ಕಬಡ್ಡಿ ಅಸೋಸಿಯೇಷನ್ (ರಿ )ಕೋಲಾರ ಇವರ ಸಂಯುಕ್ತ ಅಶ್ರಯದಲ್ಲಿ ಬಾಲಕ -ಬಾಲಕಿಯರ ಕಬಡ್ಡಿ ಜೂನಿಯರ್ ರಾಜ್ಯ ಚಾಂಪಿಯನ್‌ಶಿಪ್ ಪಂದ್ಯಾವಳಿಯನ್ನು ತಾ. ೨೨ ರಿಂದ ೨೪ರವರೆಗೆ ಬೈರೇಗೌಡ ನಗರ ಮೈದಾನ ಬಂಗಾರಪೇಟೆ ರಸ್ತೆ ಕೋಲಾರ ಜಿಲ್ಲೆಯಲ್ಲಿ ಅಯೋಜಿಸಲಾಗಿದೆ.

ಚಾಂಪಿಯನ್‌ಶಿಪ್ ಕಬಡ್ಡಿ ಪಂದ್ಯಾವಳಿಗೆ ಕೊಡಗು ಜಿಲ್ಲೆ ಯ ಬಾಲಕ -ಬಾಲಕಿಯರನ್ನು ಒಳಗೊಂಡ ಕೊಡಗು ತಂಡಕ್ಕೆ ಇದೇ ತಾ. ೧೦ ರಂದು ಬೆಳಿಗ್ಗೆ ೯.೩೦ಗಂಟೆಗೆ ಕುಶಾಲನಗರದ ಜ್ಞಾನ ಭಾರತಿ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ಆಯ್ಕೆ ಪ್ರಕ್ರಿಯೆ ನಡೆಸಲಾಗುವದು. ಆಸಕ್ತಿಯುಳ್ಳ ಬಾಲಕ -ಬಾಲಕಿಯರು ಸೂಕ್ತ ವಯೋಮಿತಿಯ ಮೂಲ ದಾಖಲೆ ಹಾಗೂ ಸಮವಸ್ತ ದೊಂದಿಗೆ ಹಾಜರಿರುವಂತೆ ಕೊಡಗು ಜಿಲ್ಲಾ ಆಮೆಚೂರ್ ಕಬಡ್ಡಿ ಅಸೋಸಿಯೇಷನ್ ಕಾರ್ಯದರ್ಶಿ ಕಪಿಲ್‌ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಸೂಚನೆ: ಸದರಿ ಆಯ್ಕೆ ಪ್ರಕ್ರಿಯೆಯಲ್ಲಿ ಭಾಗವಹಿಸುವ ಬಾಲಕರ ತೂಕ ೭೦ಕೆಜಿ ಮೀರಿರಬಾರದು. ಬಾಲಕಿಯರ ತೂಕ ೬೫ಕೆಜಿ ಮೀರಿರಬಾರದು. ಹಾಗೂ ವಯಸ್ಸು ದಿನಾಂಕ ೩೧.೧.೨೫ಕ್ಕೆ ೨೦ವರ್ಷ ಮೀರಿರಬಾರದು.

ಹೆಚ್ಚಿನ ಮಾಹಿತಿಗಾಗಿ ಕಪಿಲ್ (೯೭೩೧೦೦೯೮೪೧), ಅವಿನಾಶ್ (೭೩೩೭೭೭೦೦೧೧), ಮಣಿಕಂಠ (೯೪೮೨೮೬೩೭೦೭), ಉತ್ತಪ್ಪ (೯೯೮೦೨೬೪೯೫೦) ಇವರುಗಳನ್ನು ಸಂಪರ್ಕಿಸಬಹುದಾಗಿದೆ.