ಗೋಣಿಕೊಪ್ಪ ವರದಿ, ನ. ೫ : ಪೊನ್ನಂಪೇಟೆ ಟರ್ಫ್ ಮೈದಾನದಲ್ಲಿ ಹಾಕಿ ಕೂರ್ಗ್ ವತಿಯಿಂದ ಹಾಕಿ ಲೀಗ್ ಟೂರ್ನಿಗೆ ಚಾಲನೆ ನೀಡಲಾಯಿತು. ಲೀಗ್‌ನ ಮೊದಲ ದಿನದ ಪಂದ್ಯದಲ್ಲಿ ಪೊನ್ನಂಪೇಟೆ, ಕೋಣನಕಟ್ಟೆ, ರಾಯಲ್ಸ್ ಅಮ್ಮತ್ತಿ, ಗೋಣಿಕೊಪ್ಪ ಬಿಬಿಸಿ, ಅಂಜಿಗೇರಿನಾಡ್ ತಂಡಗಳು ಗೆಲುವು ದಾಖಲಿಸಿವೆ. ಕೂಡಿಗೆ ಸ್ಪೋರ್ಟ್ಸ್ ಹಾಸ್ಟೆಲ್, ಶಿವಾಜಿ ತಂಡಗಳ ನಡುವಿನ ಪಂದ್ಯ ರೋಚಕ ಡ್ರಾ ಫಲಿತಾಂಶ ನೀಡಿದೆ.

ಪೊನ್ನಂಪೇಟೆ ಸ್ಪೋರ್ಟ್ಸ್ ಹಾಸ್ಟೆಲ್ ತಂಡಕ್ಕೆ ಡ್ರಿಬ್ಲ್ ಹೆಂಪ್ ವಿರುದ್ದ ೩-೧ ಗೋಲುಗಳ ಭರ್ಜರಿ ಗೆಲುವು ಸಿಕ್ಕಿತು. ಪೊನ್ನಂಪೇಟೆ ಪರವಾಗಿ ಬೋಪಣ್ಣ ಎರಡು ಗೋಲು ಹೊಡೆದರು. ಶಶಿತ್ ಗೌಡ, ಡ್ರಿಬ್ಲ್ ಪರ ಶಾಮ್ ತಲಾ ಒಂದೊAದು ಗೋಲು ದಾಖಲೆ ಮಾಡಿದರು.

ಕೋಣನಕಟ್ಟೆ ಇಲೆವೆನ್ ತಂಡವು ಕಿರುಗೂರು ಸ್ಪೋರ್ಟ್ಸ್ ಕ್ಲಬ್ ತಂಡವನ್ನು ೬-೧ ಗೋಲುಗಳ ಅಂತರದಿAದ ಮಣಿಸಿತು. ಕೋಣನಕಟ್ಟೆ ತಂಡದ ಸೋಮಣ್ಣ, ದೀಪಕ್, ನರೇನ್, ದಿವಾನ್, ಅಚ್ಚಪ್ಪ, ಕಿರುಗೂರು ಪರ ವೇದ್ ಬಿದ್ದಪ್ಪ ತಲಾ ಒಂದೊAದು ಗೋಲುಗಳ ಕಾಣಿಕೆ ನೀಡಿದರು.

ರಾಯಲ್ಸ್ ಅಮ್ಮತ್ತಿ ತಂಡಕ್ಕೆ ಚಾರ್ಮರ್ಸ್ ವಿರುದ್ದ ೬-೧ ಗೋಲುಗಳ ಗೆಲುವು ದೊರೆಯಿತು. ರಾಯಲ್ಸ್ ಪರವಾಗಿ ಅಯ್ಯಪ್ಪ, ಅಪ್ಪಣ್ಣ ತಲಾ ೨ ಗೋಲು ಗಳಿಸಿದರು. ಮ್ಯಾಕ್ ಗಣಪತಿ,ಭುವನ್ ತಲಾ ಒಂದೊAದು ಗೋಲು ಹೊಡೆದರು. ಚಾರ್ಮರ್ಸ್ ಪರ ಸೋಮಣ್ಣ ಏಕೈಕ ಗೋಲು ಹೊಡೆದು ತಂಡಕ್ಕೆ ನೆರವಾದರು.

ಗೋಣಿಕೊಪ್ಪ ಬಿಬಿಸಿ ತಂಡವು ವನಭದ್ರಕಾಳಿ ತಂಡವನ್ನು ೨-೦ ಗೋಲುಗಳಿಂದ ಸೋಲಿಸಿತು. ಬಿಬಿಸಿ ಆಟಗಾರ ನಾಚಪ್ಪ, ರೋಹನ್ ತಲಾ ಒಂದೊAದು ಗೋಲುಗಳ ದಾಖಲೆ ಮಾಡಿದರು.

ಅಂಜಿಗೇರಿನಾಡ್ ತಂಡಕ್ಕೆ ಟಾಟಾ ಕಾಫಿ ವಿರುದ್ದ ೩-೧ ಗೋಲುಗಳ ಜಯ ಸಿಕ್ಕಿತು. ಅಂಜಿಗೇರಿ ಪರ

(ಮೊದಲ ಪುಟದಿಂದ) ಚೆಕ್ಕೆರ ಆದರ್ಶ್, ಅಯ್ಯಪ್ಪ, ನಿಶಿಕ್, ಟಾಟಾ ಕಾಫಿ ಪರ ಕಾರ್ಯಪ್ಪ ತಲಾ ಒಂದೊAದು ಗೋಲು ಬಾರಿಸಿದರು.

ಕೂಡಿಗೆ ಸ್ಪೋರ್ಟ್ಸ್ ಹಾಸ್ಟೆಲ್ ಹಾಗೂ ಶಿವಾಜಿ ತಂಡಗಳ ನಡುವಿನ ಪಂದ್ಯ ೩ -೩ ಗೋಲುಗಳಿಂದ ಡ್ರಾ ಫಲಿತಾಂಶ ನೀಡಿತು. ಶಿವಾಜಿ ಪರ ಕೌಶಿಕ್ ೨, ಶುಭಂ ಚಿಟ್ಯಪ್ಪ, ಕೂಡಿಗೆ ಪರವಾಗಿ ಮಲ್ಲು, ಕಾರ್ತಿಕ್, ಆರ್ಯನ್ ತಲಾ ಒಂದೊAದು ಗೋಲು ದಾಖಲಿಸಿದರು.