ಗೋಣಿಕೊಪ್ಪ ವರದಿ, ನ. ೬ : ಪೊನ್ನಂಪೇಟೆ ಟರ್ಫ್ ಮೈದಾನದಲ್ಲಿ ಹಾಕಿಕೂರ್ಗ್ ವತಿಯಿಂದ ನಡೆಯುತ್ತಿರುವ ಹಾಕಿ ಲೀಗ್ ಎರಡನೇ ದಿನದ ಪಂದ್ಯದಲ್ಲಿ ಕಡಿಯತ್ನಾಡ್, ಕೋಣನಕಟ್ಟೆ, ಅಂಜಿಗೇರಿನಾಡ್, ಬೇರಳಿನಾಡ್, ಬೊಟ್ಟಿಯತ್ನಾಡ್ ಗೆಲುವಿನ ನಗೆ ಬೀರಿದ್ದು, ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ಗ್ರೀನ್ ಹಾಗೂ ಕಿರುಗೂರು ಸ್ಪೋರ್ಟ್ಸ್ ಕ್ಲಬ್ ತಂಡಗಳ ನಡುವಿನ ಪಂದ್ಯ ಡ್ರಾದಲ್ಲಿ ಅಂತ್ಯವಾಯಿತು.

ಕಡಿಯತ್ನಾಡ್ ತಂಡವು ಕುತ್ತ್ನಾಡ್ ಸ್ಟೆçöÊಕರ್ಸ್ ತಂಡವನ್ನು ೧-೦ ಗೋಲುಗಳಿಂದ ಮಣಿಸಿತು. ಕಡಿಯತ್ನಾಡ್ ಪರ ಕಾವೇರಪ್ಪ ಏಕೈಕ ಗೋಲು ಹೊಡೆದು ಜಯ ತಂದುಕೊಟ್ಟರು.

ಕೋಣನಕಟ್ಟೆ ಇಲೆವೆನ್ ತಂಡಕ್ಕೆ ವೀರಾಜಪೇಟೆ ಕೆಎಸ್‌ಆರ್‌ಸಿ ವಿರುದ್ಧ ೫-೧ ಗೋಲುಗಳ ಭರ್ಜರಿ ಗೆಲುವು ದಕ್ಕಿತು. ಕೋಣನಕಟ್ಟೆ ಆಟಗಾರ ಭವನ್, ನರೇನ್, ದೀಪಕ್, ಅಗಸ್ತö್ಯ, ವೀರಾಜಪೇಟೆ ಪರ ಬಿಷನ್ ತಲಾ ಒಂದೊAದು ಗೋಲು ಹೊಡೆದರು.

ಅಂಜಿಗೇರಿನಾಡ್ ತಂಡಕ್ಕೆ ಕ್‌ಗ್ಗಟ್ನಾಡ್ ಫ್ಲೆöÊಯಿಂಗ್ ಎಲ್ಬೋ ತಂಡದ ವಿರುದ್ದ ೨-೧ ಗೋಲುಗಳ ಜಯ ಸಿಕ್ಕಿತು. ಅಂಜಿಗೇರಿ ಪರ ಚೆಕ್ಕೇರ ಆದರ್ಶ್, ದೀಪಕ್, ಕ್‌ಗ್ಗಟ್ನಾಡ್ ಪರ ಸುಬ್ಬಯ್ಯ ತಲಾ ಒಂದೊAದು ಗೋಲು ಬಾರಿಸಿದರು.

ಯುಎಸ್‌ಸಿ ಬೇರಳಿನಾಡ್ ತಂಡವು ಬಿಬಿಸಿ ಗೋಣಿಕೊಪ್ಪ ತಂಡವನ್ನು ೨-೦ ಗೋಲುಗಳಿಂದ ಮಣಿಸಿತು. ಬೇರಳಿನಾಡ್ ಆಟಗಾರರಾದ ಆಕಾಶ್ ಚೆಂಗಪ್ಪ ೨ ಗೋಲು ಪೇರಿಸಿದರು.

ಬೊಟ್ಟಿಯತ್ನಾಡ್ ಕುಂದ ತಂಡಕ್ಕೆ ಫಾಲ್ಕನ್ ಕ್ಲಬ್ ವಿರುದ್ಧ ೬-೧ ಗೋಲು ಗಳ ಗೆಲುವು ದಕ್ಕಿತು. ಬೊಟ್ಟಿಯತ್ನಾಡ್ ಪರವಾಗಿ ಹಾರ್ತಿಕ್ ಸೋಮಣ್ಣ ೪ ಗೋಲು ದಾಖಲಿಸಿದರು. ಧ್ಯಾನ್ ಭೀಮಯ್ಯ ೨ ಗೋಲು, ಫಾಲ್ಕನ್ ಪರ ಸುಪ್ರಿತ್ ಗೋಲು ಹೊಡೆದರು.

ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ಗ್ರೀನ್ ಹಾಗೂ ಕಿರುಗೂರು ಸ್ಪೋರ್ಟ್ಸ್ ಕ್ಲಬ್ ತಂಡಗಳ ನಡುವಿನ ಪಂದ್ಯ ೩-೩ ಗೋಲುಗಳ ಡ್ರಾದಲ್ಲಿ ಅಂತ್ಯವಾಯಿತು. ಬೊಳಿಯೂರ್ ಪರ ಮುತ್ತಣ್ಣ ಎರಡು ಗೋಲು, ಮದನ್, ಕಿರುಗೂರು ತಂಡದ ಕಾರ್ಯಪ್ಪ, ಅಯ್ಯಪ್ಪ, ಗಣಪತಿ ತಲಾ ಒಂದೊAದು ಗೋಲು ಬಾರಿಸಿದರು.