ಐಗೂರು, ನ. ೬: ಐಗೂರು ಗ್ರಾಮದ ಶ್ರೀ ಗುಳಿಗಪ್ಪ ಸ್ವಾಮಿ ಮತ್ತು ವನದುರ್ಗಿ ದೇವಾಲಯದ ೩೨ನೇ ವರ್ಷದ ದೀಪಾವಳಿಯ ವಾರ್ಷಿಕ ಪೂಜೋತ್ಸವವು ಸಂಭ್ರಮ ಸಡಗರದಿಂದ ಸಂಪನ್ನಗೊAಡಿತು. ಮರಗೋಡಿನ ವಾದ್ಯಗೋಷ್ಠಿಯು ಉತ್ಸವಕ್ಕೆ ಮೆರಗನ್ನು ನೀಡಿತು. ಸೋಮವಾರಪೇಟೆ ಮತ್ತು ನೆರೆಯ ಜಿಲ್ಲೆಗಳಿಂದ ದಾನಿಗಳು ದೇವಾಲಯಕ್ಕೆ ಅಕ್ಕಿ, ತರಕಾರಿ, ಹೂವಿನ ಅಲಂಕಾರ, ಮತ್ತು ಧನ ಸಹಾಯದ ಮೂಲಕ ಉತ್ಸವಕ್ಕೆ ಕೈಜೋಡಿಸಿದ್ದು ವಿಶೇಷವಾಗಿತ್ತು. ದೇವಾಲಯದ ಅರ್ಚಕರಾದ ಅಚ್ಚುತ ಮತ್ತು ಸೋಮವಾರಪೇಟೆಯ ಅರ್ಚಕರಾದ ಈಶ್ವರ ಭಟ್ ಅವರ ನೇತೃತ್ವದಲ್ಲಿ ಹೋಮ, ಅಭಿಷೇಕ ಪೂಜೆ, ಮತ್ತು ಮಹಾಪೂಜೆಯನ್ನು ನೆರವೇರಿ ಸಲಾಯಿತು. ಪ್ರಸಾದ ವಿನಿಯೋಗ ಮತ್ತು ಅನ್ನ ಸಂತರ್ಪಣೆ ನಡೆದವು. ಸೋಮವಾರಪೇಟೆಯ ಆರಕ್ಷಕ ಠಾಣೆಯಿಂದ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ದೇವಾಲಯದ ಆಡಳಿತ ಮಂಡಳಿ ಯವರು ಕಾರ್ಯನಿರ್ವಹಿಸಿದರು.