ಗೋಣಿಕೊಪ್ಪ ವರದಿ, ನ. ೮: ಪೊನ್ನಂಪೇಟೆ ಟರ್ಫ್ ಮೈದಾನದಲ್ಲಿ ಹಾಕಿಕೂರ್ಗ್ ವತಿಯಿಂದ ನಡೆಯುತ್ತಿರುವ ಹಾಕಿ ಲೀಗ್ ಪಂದ್ಯಗಳಲ್ಲಿ ಬೇಗೂರು ಈಶ್ವರ ಯೂತ್ ಕ್ಲಬ್, ಎಂಆರ್‌ಎಫ್ ಮೂರ್ನಾಡು, ಕಕ್ಕಬ್ಬೆ ಮಲ್ಮ, ಬೊಳಿಯೂರ್ ರೆಡ್, ಕಿರುಗೂರು ತಂಡಗಳು ಗೆಲುವು ದಾಖಲಿಸಿದ್ದು, ಎಸ್‌ಆರ್‌ಸಿ ಕಾಕೋಟುಪರಂಬು ಹಾಗೂ ಫಾಲ್ಕನ್ಸ್ ಸ್ಪೋರ್ಟ್ಸ್ ತಂಡಗಳು ಡ್ರಾ ಸಾಧನೆ ಮಾಡಿದೆ.

ಫಲಿತಾಂಶ

ಎಂಆರ್‌ಎಫ್ ಮೂರ್ನಾಡು ತಂಡವು ಕ್‌ಗ್ಗಟ್ನಾಡ್ ಫ್ಲೆöÊಯಿಂಗ್ ಎಲ್ಬೋ ತಂಡವನ್ನು ೨-೦ ಗೋಲುಗಳಿಂದ ಮಣಿಸಿತು. ಮೂರ್ನಾಡು ಪರ ಮಯೂರ್, ವಿಪನ್ ಗೋಲು ಹೊಡೆದರು.

ಈಶ್ವರ ಯೂತ್ ಕ್ಲಬ್ ಬೇಗೂರು ತಂಡಕ್ಕೆ ಎ.ಎಸ್‌ಸಿ ಅಮ್ಮತ್ತಿ ವಿರುದ್ದ ೭-೦ ಗೋಲುಗಳ ಭರ್ಜರಿ ಗೆಲುವು ಲಭಿಸಿತು. ಬೇಗೂರು ಪರ ಅಯ್ಯಮ್ಮ, ಶ್ರವಣ್, ಕಾರ್ಯಪ್ಪ, ಮಿಲನ್, ಮಣಿ ತಲಾ ಒಂದೊAದು ಗೋಲುಗಳ ಕಾಣಿಕೆ ನೀಡಿದರು.

ಎಸ್‌ಆರ್‌ಸಿ ಕಾಕೋಟುಪರಂಬು ಹಾಗೂ ಫಾಲ್ಕನ್ಸ್ ಸ್ಪೋರ್ಟ್ಸ್ ಕ್ಲಬ್ ತಂಡಗಳ ನಡುವಿನ ಪಂದ್ಯ ೨-೨ ಗೋಲುಗಳಿಂದ ಡ್ರಾ ಫಲಿತಾಂಶ ನೀಡಿತು. ಕಾಕೋಟುಪರಂಬು ಪರ ಚೇತನ್, ಬೆಳ್ಯಪ್ಪ, ಫಾಲ್ಕನ್ ಪರ ಚಿಟ್ಯಪ್ಪ, ಸುಪ್ರಿತ್ ತಲಾ ಒಂದು ಗೋಲು ದಾಖಲಿಸಿದರು.

ಕಿರುಗೂರು ಸ್ಪೋರ್ಟ್ಸ್ ಕ್ಲಬ್ ತಂಡಕ್ಕೆ ಕೆಎಸ್‌ಆರ್‌ಸಿ ವಿರಾಜಪೇಟೆ ವಿರುದ್ದ ೪-೧ ಗೋಲುಗಳ ಜಯ ಸಿಕ್ಕಿತು. ಕಿರುಗೂರು ಪರ ರಾಮು ಎರಡು ಗೋಲು ಹೊಡೆದರು. ಅಖಿಲೇಶ್, ಅಪ್ಪಣ್ಣ, ವೀರಾಜಪೇಟೆ ಪರ ಮೊಣ್ಣಪ್ಪ ತಲಾ ಒಂದೊAದು ಗೋಲು ಬಾರಿಸಿ ಮಿಂಚಿದರು.

ಕಕ್ಕಬ್ಬೆ ಮಲ್ಮ ತಂಡವು ಅಮ್ಮತ್ತಿ ರಾಯಲ್ಸ್ ತಂಡವನ್ನು ೩-೧ ಗೋಲುಗಳಿಂದ ಮಣಿಸಿತು. ಮಲ್ಮ ತಂಡಕ್ಕೆ ಫಾಹದ್, ಪೊನ್ನಣ್ಣ, ಪ್ರಜ್ವಲ್, ರಾಯಲ್ಸ್ ಪರ ಮ್ಯಾಕ್ ಗಣಪತಿ ತಲಾ ಒಂದೊAದು ಗೋಲು ಹೊಡೆದರು. ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ರೆಡ್ ತಂಡಕ್ಕೆ ವನಭದ್ರಕಾಳಿ ಸಂಘದ ವಿರುದ್ದ ೩-೦ ಗೋಲುಗಳ ಜಯ ದೊರೆಯಿತು. ಬೊಳಿಯೂರ್ ಪರವಾಗಿ ಮಾಚಯ್ಯ, ಡ್ಯಾನಿ, ಅಚ್ಚಯ್ಯ ಗೋಲು ಪೇರಿಸಿದರು.