ಗೋಣಿಕೊಪ್ಪ ವರದಿ, ನ. ೯ : ಪೊನ್ನಂಪೇಟೆ ಟರ್ಫ್ ಮೈದಾನದಲ್ಲಿ ಹಾಕಿಕೂರ್ಗ್ ವತಿಯಿಂದ ನಡೆಯುತ್ತಿರುವ ಹಾಕಿ ಲೀಗ್‌ನ ಶನಿವಾರದ ಪಂದ್ಯಗಳಲ್ಲಿ ಮಹಾದೇವ ಸ್ಪೋರ್ಟ್ಸ್ ಕ್ಲಬ್, ಎಎಸ್‌ಸಿ ಅಮ್ಮತ್ತಿ, ಬೇಗೂರು ಈಶ್ವರ ಯೂತ್ ಕ್ಲಬ್, ಬೇರಳಿನಾಡ್ ಯುಎಸ್‌ಸಿ, ಬೊಟ್ಟಿಯತ್ನಾಡ್ ಕುಂದ, ಮೂರ್ನಾಡು ಬ್ಲೇಜ್ ಗೆಲುವಿನ ನಗು ಬೀರಿದವು.

ಬೊಟ್ಟಿಯತ್ನಾಡ್ ಕುಂದ ತಂಡವು ಸೋಮವಾರಪೇಟೆ ಡಾಲ್ಪೀನ್ಸ್ ವಿರುದ್ಧ ೪-೦ ಗೋಲುಗಳ ಗೆಲುವು ಪಡೆಯಿತು. ಸೋಮಣ್ಣ ೨, ಅಚ್ಚಯ್ಯ, ಗ್ಯಾನ್ ಒಂದೊAದು ಗೋಲು ಬಾರಿಸಿದರು.

ಮೂರ್ನಾಡು ಬ್ಲೇಜ್ ತಂಡ ನಾಪೋಕ್ಲು ಶಿವಾಜಿ ತಂಡವನ್ನು ೩-೧ ಗೋಲುಗಳಿಂದ ಸೋಲಿಸಿತು. ಮೂರ್ನಾಡು ಪರವಾಗಿ ನಾಣಯ್ಯ, ಅರ್ಜುನ್, ಸುಗುಣ್, ಶಿವಾಜಿ ಪರ ನಾಚಪ್ಪ ಗೋಲು ಹೊಡೆದರು.

ಮಹಾದೇವ ಸ್ಪೋರ್ಟ್ಸ್ ಕ್ಲಬ್ ಡ್ರಿಬ್ಲ್ ಹೆಂಪ್ ತಂಡವನ್ನು ೫-೧ ಗೋಲುಗಳಿಂದ ಮಣಿಸಿತು. ಮಹಾದೇವ ಪರವಾಗಿ ಅಪ್ಪಚ್ಚು ೨, ಕಾರ್ಲ್ ಕಾರ್ಯಪ್ಪ, ತರುಣ್, ಕುಶಾಲಪ್ಪ, ಹೆಂಪ್ ಆಟಗಾರ ರೋಶನ್ ಗೋಲು ಬಾರಿಸಿದರು.

ಎಎಸ್‌ಸಿ ಅಮ್ಮತ್ತಿ ತಂಡಕ್ಕೆ ಕುತ್ತ್ನಾಡ್ ಸ್ಟೆçöÊಕರ್ಸ್ ವಿರುದ್ದ ೪-೨ ಗೋಲುಗಳ ಜಯ ದೊರೆಯಿತು. ಅಮ್ಮತ್ತಿ ಪರವಾಗಿ ಅಪ್ಪಣ್ಣ, ಉತ್ತಪ್ಪ, ಆಶಿಕ್, ಶಾಶ್ವತ್, ಕುತ್ತ್ನಾಡ್ ಪರ ದೇವಯ್ಯ, ತಿಮ್ಮಯ್ಯ ಗೋಲು ಗಳಿಸಿದರು.

ಬೇಗೂರು ಈಶ್ವರ ಯೂತ್ ಕ್ಲಬ್ ತಂಡಕ್ಕೆ ಕಡಿಯತ್ನಾಡ್ ವಾರಿಯರ್ಸ್ ವಿರುದ್ಧ ೭-೦ ಗೋಲುಗಳ ಭರ್ಜರಿ ಗೆಲುವು ಸಿಕ್ಕಿತು. ಬೇಗೂರು ಪರವಾಗಿ ಮಣಿ, ಬೋಪಣ್ಣ, ಶ್ರವಣ್, ಅಯ್ಯಮ್ಮ, ಪೊನ್ನಣ್ಣ, ಮುತ್ತಣ್ಣ, ದೀಕ್ಷಿತ್ ಗೋಲು ಹೊಡೆದರು.

ಬೇರಳಿನಾಡ್ ಯುಎಸ್‌ಸಿ ತಂಡಕ್ಕೆ ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ರೆಡ್ ವಿರುದ್ಧ ೨-೧ ಗೋಲುಗಳ ಗೆಲುವು ದೊರೆಯಿತು. ಆಕಾಶ್ ಚೆಂಗಪ್ಪ ಜೋಡಿ ಗೋಲು ಹೊಡೆದು ಬೇರಳಿನಾಡ್ ತಂಡಕ್ಕೆ ಗೆಲುವು ತಂದುಕೊಟ್ಟರು. ಬೊಳಿಯೂರ್ ಪರ ವಿಶಾಲ್ ಏಕೈಕ ಗೋಲು ಗಳಿಸಿದರು.