*ಗೋಣಿಕೊಪ್ಪ, ನ. ೧೧: ಉತ್ತಿಷ್ಠ ಸಂಘಟನೆ ವತಿಯಿಂದ ವನವಾಸಿ ಕಲ್ಯಾಣ ಕೊಡಗು ಸಹಯೋಗದಲ್ಲಿ ನಾಗರಹೊಳೆ ಗದ್ದೆಹಾಡಿ, ಕೋಣಂಗೇರೆ ಹಾಡಿ ಹಾಗೂ ನಿಟ್ಟೂರು ಗ್ರಾಮದ ಕೊಲ್ಲಿಹಾಡಿಗಳ ಗಿರಿಜನರಿಗೆ ಸೋಲಾರ್ ಲ್ಯಾಂಪ್ ವಿತರಿಸಲಾಯಿತು.

ಈ ಸಂದರ್ಭ ಉತ್ತಿಷ್ಠ ಸಂಘಟನೆಯ ಸದಸ್ಯರು ಹಾಗೂ ವನವಾಸಿ ಕಲ್ಯಾಣದ ಸದಸ್ಯರು ಪಾಲ್ಗೊಂಡರು. ಸುಮಾರು ೮೦ ಫಲಾನುಭವಿಗಳಿಗೆ ಲ್ಯಾಂಪ್ ವಿತರಿಸಲಾಯಿತು.

ಈ ಸಂದರ್ಭ ಮಾತನಾಡಿದ ಹಾಡಿ ಮುಖ್ಯಸ್ಥ ಜೆ.ಕೆ ರಾಮು ಗಿರಿಜನರನ್ನು ಗುರುತಿಸಿ ಸೌಲಭ್ಯ ಕಲ್ಪಿಸಿರುವುದು ಸಂತೋಷ ತಂದಿದೆ. ಇದರಿಂದ ಮಕ್ಕಳಿಗೆ ಓದಲು ಸಹಕಾರಿಯಾಗಲಿದೆ ಎಂದರು.