ಗೋಣಿಕೊಪ್ಪ ವರದಿ, ನ. ೧೧: ಹಾಕಿಕೂರ್ಗ್ ವತಿಯಿಂದ ಪೊನ್ನಂಪೇಟೆ ಟರ್ಫ್ ಮೈದಾನದಲ್ಲಿ ನಡೆಯುತ್ತಿರುವ ಹಾಕಿ ಲೀಗ್ ಟೂರ್ನಿಯ ಪಂದ್ಯಗಳಲ್ಲಿ ೫ ತಂಡಗಳು ಗೆಲುವು ಪಡೆದುಕೊಂಡಿದ್ದು, ಒಂದು ಪಂದ್ಯ ಡ್ರಾದಲ್ಲಿ ಅಂತ್ಯವಾಯಿತು.

ಮಲ್ಮ ಕಕ್ಕಬ್ಬೆ ತಂಡವು ನಾಪೋಕ್ಲು ಶಿವಾಜಿ ತಂಡವನ್ನು ೩-೦ ಗೋಲುಗಳಿಂದ ಮಣಿಸಿತು. ಪೊನ್ನಣ್ಣ, ಅಬಿನ್ ಚಿಟ್ಯಪ್ಪ, ಫಾಹದ್ ಮಲ್ಮ ತಂಡದ ಪರವಾಗಿ ಗೋಲು ದಾಖಲಿಸಿದರು.

ಸೋಮವಾರಪೇಟೆ ಡಾಲ್ಪೀನ್ಸ್ ಹಾಗೂ ಫಾಲ್ಕನ್ ತಂಡಗಳ ನಡುವಿನ ಪಂದ್ಯ ೧-೧ ಗೋಲುಗಳ ಡ್ರಾದಲ್ಲಿ ಅಂತ್ಯವಾಯಿತು. ಡಾಲ್ಪಿನ್ಸ್ ಆಟಗಾರ ರತೀಶ್, ಫಾಲ್ಕನ್ ಆಟಗಾರ ಸುಪ್ರಿತ್ ಗೋಲು ಹೊಡೆದರು.

ಕೋಣನಕಟ್ಟೆ ಇಲೆವೆನ್ ತಂಡಕ್ಕೆ ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ಗ್ರೀನ್ ವಿರುದ್ಧ ೭-೪ ಗೋಲುಗಳ ಜಯ ಸಿಕ್ಕಿತು. ಕೋಣನಕಟ್ಟೆ ಆಟಗಾರ ಯಶ್ವಿನ್ ಮೂರು ಗೋಲು ಹೊಡೆದು ಸಂಭ್ರಮಿಸಿದರು. ಸಾವನ್ ೨, ದೀಪಕ್, ದಿವಾನ್, ಬೊಳಿಯೂರ್ ತಂಡದ ಲಿಕಿತ್ ೨, ಚಂದನ್, ಮದನ್ ತಲಾ ಒಂದೊAದು ಗೋಲು ದಾಖಲಿಸಿದರು.

ಎಎಸ್‌ಸಿ ಅಮ್ಮತ್ತಿ ತಂಡಕ್ಕೆ ಕಡಿಯತ್ನಾಡ್ ವಿರುದ್ಧ ೪-೧ ಗೋಲುಗಳ ಜಯ ದೊರೆಯಿತು. ಅಮ್ಮತ್ತಿ ಆಟಗಾರ ಉತ್ತಪ್ಪ ೨ ಗೋಲು, ಅಪ್ಪಣ್ಣ, ತಿಮ್ಮಯ್ಯ, ಕಡಿಯತ್ನಾಡ್ ಪರ ಬಿದ್ದಪ್ಪ ಒಂದೊAದು ಗೋಲು ಬಾರಿಸಿದರು.

ಮಹಾದೇವ ಸ್ಪೋರ್ಟ್ಸ್ ಕ್ಲಬ್ ತಂಡವು ಎಎಸ್‌ಎಫ್ ಕ್ಯಾಲ್ಸ್ ವಿರುದ್ಧ ೨-೦ ಗೋಲುಗಳ ಜಯ ಸಾಧಿಸಿತು. ಮಹಾದೇವ ಪರವಾಗಿ ಕಾರ್ಲ್ ಕಾರ್ಯಪ್ಪ, ಸುಜಿತ್ ಒಂದೊAದು ಗೋಲು ಹೊಡೆದರು.

ಎಂಆರ್‌ಎಫ್ ಮೂರ್ನಾಡು, ಟಾಟಾ ಕಾಫಿ ತಂಡಗಳ ಪಂದ್ಯ ೩-೩ ಗೋಲುಗಳ ಡ್ರಾ ಫಲಿತಾಂಶ ನೀಡಿತು. ಮೂರ್ನಾಡು ಪರವಾಗಿ ಮಯೂರ್ ೨, ವಿಪನ್ ೧, ಟಾಟಾ ಕಾಫಿ ಪರವಾಗಿ ಕಾರ್ಯಪ್ಪ, ಚಿರಾಗ್, ಕೆ. ಕಾರ್ಯಪ್ಪ ತಲಾ ಒಂದೊAದು ಗೋಲು ಬಾರಿಸಿದರು.

ಇಂದಿನಿAದ ನಾಕೌಟ್ ; ಲೀಗ್ ಹಂತದ ಪಂದ್ಯಗಳು ಮುಗಿದಿದ್ದು, ೧೬ ತಂಡಗಳು ಮುಂದಿನ ಸುತ್ತಿಗೆ ಪ್ರವೇಶ ಪಡೆದುಕೊಂಡಿವೆ. ೧೪ ತಂಡಗಳು ಟೂರ್ನಿಯಿಂದ ಹೊರ ಬಿದ್ದಿವೆ. ಇಂದಿನಿAದ ತಾ. ೧೭ ರವರೆಗೆ ನಾಕೌಟ್ ಮಾದರಿ ಪಂದ್ಯಗಳು ನಡೆಯಲಿವೆ.

ಬ್ಲೇಜ್, ನಾಪೋಕ್ಲು ಶಿವಾಜಿ, ಬೊಟ್ಟಿಯತ್ನಾಡ್ ಕುಂದ, ಎಸ್‌ಆರ್‌ಸಿ ಕಾಕೋಟುಪರಂಬು, ಯುಎಸ್‌ಸಿ ಬೇರಳಿನಾಡ್, ಬೊಳಿಯೂರ್ ಸ್ಪೋರ್ಟ್ಸ್ ಕ್ಲಬ್ ರೆಡ್, ಮಹಾದೇವ ಸ್ಪೋರ್ಟ್ಸ್ ಕ್ಲಬ್, ಪೊನ್ನಂಪೇಟೆ ಸ್ಪೋರ್ಟ್ಸ್ ಹಾಸ್ಟೆಲ್, ಕಕ್ಕಬ್ಬೆ ಮಲ್ಮ, ಅಮ್ಮತ್ತಿ ರಾಯಲ್ಸ್ ಕ್ಲಬ್, ಎಂಆರ್‌ಎಫ್ ಮೂರ್ನಾಡು, ಅಂಜಿಗೇರಿನಾಡ್, ಕೋಣನಕಟ್ಟೆ ಇಲೆವೆನ್, ಕಿರುಗೂರು ಸ್ಪೋರ್ಟ್ಸ್ ಕ್ಲಬ್, ಬೇಗೂರು ಈಶ್ವರ ಯೂತ್ ಕ್ಲಬ್, ಎಎಸ್‌ಸಿ ಅಮ್ಮತ್ತಿ ತಂಡಗಳು ನಾಕೌಟ್ ಹಂತಕ್ಕೆ ಪ್ರವೇಶ ಪಡೆದುಕೊಂಡವು.