ಮಡಿಕೇರಿ, ನ. ೧೨: ತಾ. ೧೪. ರಿಂದ ೨೦ರವರೆಗೆ ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ನಡೆಯಲಿರುವ ಮಿನಿ ಒಲಂಪಿಕ್ ಕ್ರೀಡಾಕೂಟದ ೧೪ ರ ವಯೋಮಿತಿಯ ಬಾಲಕ ಬಾಲಕಿಯರ ಫುಟ್‌ಬಾಲ್ ಪಂದ್ಯಾಟಕ್ಕೆ ಕೊಡಗು ಫುಟ್ಬಾಲ್ ಸಂಸ್ಥೆ ಕೊಡಗು ತಂಡವನ್ನು ಆಯ್ಕೆ ಮಾಡಿದೆ.

ಇದೇ ಪ್ರಪ್ರಥಮ ಬಾರಿಗೆ ಬೆಂಗಳೂರಿನಲ್ಲಿ ನಡೆಯಲಿರುವ ಮಿನಿ ಒಲಂಪಿಕ್ ೧೪ರ ವಯೋಮಿತಿಯ ಫುಟ್ಬಾಲ್ ಪಂದ್ಯಾಟಕ್ಕೆ ಕೊಡಗು ಜಿಲ್ಲೆಯ ಬಾಲಕ ಹಾಗೂ ಬಾಲಕಿಯರ ತಂಡ ಭಾಗವಹಿಸುತ್ತಿದೆ. ಈಗಾಗಲೇ ಮೂರು ತಿಂಗಳು ಅಮ್ಮತ್ತಿಯಲ್ಲಿರುವ ಫುಟ್ಬಾಲ್ ಕ್ರೀಡಾಂಗಣದಲ್ಲಿ ತರಬೇತಿ ಶಿಬಿರ ಮುಗಿಸಿದ್ದು ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳಲು ತಾ. ೧೩ರಂದು (ಇಂದು) ಬೆಂಗಳೂರಿಗೆ ತೆರಳಲಿದೆ. ಬಾಲಕರ ತಂಡವನ್ನು ಫುಟ್ಬಾಲ್ ಆಟಗಾರ ಕ್ರಿಸ್ಟೋಫರ್ ತರಬೇತಿಗೊಳಿಸಿದ್ದು, ಬಾಲಕಿ ಯರ ತಂಡವನ್ನು ಜಗದೀಶ್ ಮುಖ್ಯ ತರಬೇತುದಾರರಾಗಿ ಸಜ್ಜುಗೊಳಿಸಿರುತ್ತಾರೆ.