ಗೋಣಿಕೊಪ್ಪ, ನ. ೧೯ : ಬೆಂಗಳೂರು ಫೀಲ್ಡ್ ಮಾರ್ಷಲ್ ಕೆ. ಎಂ. ಕಾರ್ಯಪ್ಪ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ೧೪ ವಂಯೋಮಿತಿಯ ಮಿನಿ ಒಲಿಂಪಿಕ್ಸ್ ಹಾಕಿಯಲ್ಲಿ ಹಾಕಿಕೂರ್ಗ್ ಬಾಲಕರ ತಂಡ ಫೈನಲ್ ಪ್ರವೇಶಿಸಿದೆ. ಫೈನಲ್ ಪಂದ್ಯ ಬುಧವಾರ ನಡೆಯಲಿದೆ.

ಹಾಸನ ತಂಡದ ವಿರುದ್ಧ ೧-೦ ಗೋಲುಗಳಿಂದ ಹಾಕಿ ಕೂರ್ಗ್ ಗೆದ್ದುಕೊಂಡಿತು. ೨೯ ನೇ ನಿಮಿಷದಲ್ಲಿ ಪೊನ್ನೀರ ಪ್ರಜ್ವಲ್ ಪೊನ್ನಣ್ಣ ಬಾರಿಸಿದ ಏಕೈಕ ಗೋಲು ಫೈನಲ್ ಹಾದಿಯನ್ನು ಸುಗಮಗೊಳಿಸಿತು.

ಬಾಲಕರ ತಂಡದಲ್ಲಿ ಅಮ್ಮಾಂಡೀರ ದೈವಿಕ್ ಪೊನ್ನಣ್ಣ, ಆಲೆಮಾಡ ರಿಶಿ ಕಾವೇರಪ್ಪ, ಅಮ್ಮಂಡ ತರುಣ್ ಕರುಂಬಯ್ಯ, ಆಯನ್ ಅಯ್ಯಪ್ಪ, ಗೌರವ್ ಗಣಪತಿ, ನಾಪಂಡ ಬೋಪಣ್ಣ, ಮಲ್ಲಂಡ ಪ್ರಥಮ್, ಬಲ್ಯಂಡ ಸಂಚಯ್, ಪ್ರದ್ಯೊತ್ ಪೊನ್ನಣ್ಣ, ಸಾಯಿ ದೇವೇಶ್, ಎಚ್. ಎಚ್. ದರ್ಶ್ ಪ್ರೀತಂ, ಕೊಟ್ಟಂಗಡ ಜೋಯಪ್ಪ, ಪೊನ್ನೀರ ಪ್ರಜ್ವಲ್ ಪೊನ್ನಣ್ಣ, ಕೋಟೇರ ಸೋಮಯ್ಯ, ಟಿ.ವಿ. ಕೌಟಿಲಿಯ, ತರಬೇತುದಾರರಾಗಿ ತೀತಮಾಡ ವಿನು, ವ್ಯವಸ್ಥಾಪಕರಾಗಿ ವಿನೋದ್ ಇದ್ದಾರೆ.