ಮಡಿಕೇರಿ, ನ. ೨೦: ಅರೆರೆ.. ಇದೇನು ಹೊಸತೊಂದು ರೀತಿಯ ದಂಡ ಎಂಬ ಸೋಜಿಗದ ಪ್ರಸಂಗ ಕೇಳಿ ಬಂದಿದೆ. ಕಾರು ಚಲಾಯಿಸುವಾಗ ಹೆಲ್ಮೆಟ್ ಧರಿಸಿರಲಿಲ್ಲ ವಂತೆ.. ಜತೆಗೆ ಓವರ್ ಸ್ಪೀಡ್ ಬೇರೆ ಇತ್ತಂತೆ.. ಇದಕ್ಕಾಗಿ ಕಾರು ಮಾಲೀಕ ರೊಬ್ಬರಿಗೆ ದಂಡ ವಿಧಿಸಲಾಗಿದೆ ಎಂಬ ಸಂದೇಶ ಮೊಬೈಲ್ ಸಂಖ್ಯೆಗೆ ರವಾನೆಯಾಗಿದೆ.

ಮಡಿಕೇರಿ ಸನಿಹದ ಬಿಳಿಗೇರಿಯ ನಿವಾಸಿ ಡಾ. ರಾಜ್‌ಗೋಪಾಲ್ ಅವರಿಗೆ ಬಂದಿರುವ ಸಂದೇಶವಿದು. ಪಿರಿಯಾಪಟ್ಟಣ ಬಳಿ ನಿಯಮ ಉಲ್ಲಂಘನೆಯಾಗಿದೆ ಎಂದು ತಿಳಿಸಲಾಗಿದೆ.

ಮತ್ತೊಂದು ಅಚ್ಚರಿಯ ವಿಚಾರ ವೆಂದರೆ ಈ ವ್ಯಕ್ತಿಗೆ ಇದೇ ನೋಂದಣಿ ಸಂಖ್ಯೆಯ ಕಾರು ಇರುವುದು ನಿಜ. ಆದರೆ ಈ ಕಾರು ದುರಸ್ತಿಗೀಡಾಗಿದ್ದು ಚಾಲನೆಯ ಸ್ಥಿತಿಯಲ್ಲೇ ಇಲ್ಲದೆ ಶೆಡ್‌ನಲ್ಲಿ ನಿಲ್ಲಿಸಲ್ಪಟ್ಟಿದೆ.