ಪೆರಾಜೆ, ನ. ೨೧: ಚಿಗುರು ಕ್ರೀಡಾ ಮತ್ತು ಕಲಾ ಯುವಕ ಮಂಡಲದ ವತಿಯಿಂದ ದೀಪಾವಳಿ ಹಬ್ಬದ ಪ್ರಯುಕ್ತ ಆಯೋಜಿಸಿದ್ದ ಬಲೀಂದ್ರ ಮರ ಅಲಂಕಾರ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನ ವಿತರಣೆ ಕಾರ್ಯಕ್ರಮ ವಯನಾಟ್ ಕುಲವನ್ ಸಭಾ ಭವನದಲ್ಲಿ ನಡೆಯಿತು.

ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನವನ್ನು ಮೂಲೆಮಜಲು ಚಿನ್ನಮ್ಮ ಪಡೆದುಕೊಂಡರೆ, ದ್ವಿತೀಯ ಬಹುಮಾನವನ್ನು ಕುಂಬಳಚೇರಿ ಐನ್‌ಮನೆ ಹಾಗೂ ತೃತೀಯ ಬಹು ಮಾನವನ್ನು ಪೆರಂಗಜೆ ಪುರುಷೋತ್ತಮ ಪಡೆದುಕೊಂಡರು. ಬಹುಮಾನ ವಿತರಣಾ ಸಮಾರಂಭದ ವೇದಿಕೆಯಲ್ಲಿ ಚಿಗುರು ಯುವಕ ಮಂಡಲದ ಅಧ್ಯಕ್ಷ ರಮೇಶ್ ಮಜಿಕೋಡಿ, ತೀರ್ಪುಗಾರರಾದ ದೇವಿಪ್ರಸಾದ್ ಕಾಯರ್ತೋಡಿ, ಶ್ರೀ ವಯನಾಟ್ ಕುಲವನ್ ದೈವಸ್ಥಾನದ ಆಡಳಿತ ಕಾರ್ಯದರ್ಶಿ ವಿಶ್ವನಾಥ ಮಜಿಕೋಡಿ, ಚಿಗುರು ಯುವಕ ಮಂಡಲದ ಕಾರ್ಯದರ್ಶಿ ಯತಿ ಶ್ಯಾಮ್ ಕುಂಬಳಚೇರಿ, ಖಜಾಂಚಿ ಹರ್ಷಿತ್ ಮಜಿಕೋಡಿ, ಸಾಂಸ್ಕೃತಿಕ ನಿರ್ದೇಶಕ ಹೇಮಕುಮಾರ ಕುಂಬಳ ಚೇರಿ ಉಪಸ್ಥಿತರಿದ್ದರು. ಶೀತಲ್ ಕುಮಾರ್ ಪ್ರಾರ್ಥಿಸಿ, ಯತಿಶ್ಯಾಮ್ ಕುಂಬಳಚೇರಿ ಸ್ವಾಗತಿಸಿ, ಕಿರಣ್ ವಂದಿಸಿದರು