ಮಡಿಕೇರಿ, ನ. ೨೧: ಫುಡ್ ಸ್ಟಾಲ್‌ನಲ್ಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿ ಸಾವನ್ನಪ್ಪಿದ್ದು, ಆತನ ಕುಟುಂಬಸ್ಥರ ವಿವರ ದೊರೆಯದ ಹಿನ್ನೆಲೆ ಪೊಲೀಸರು ಗುರುತು ಪತ್ತೆ ಕುರಿತು ಪ್ರಕಟಣೆ ನೀಡಿದ್ದಾರೆ.
ಕುಶಾಲನಗರ ಜಾತ್ರೆ ಹಿನ್ನೆಲೆ ಫುಡ್ ಸ್ಟಾಲ್‌ವೊಂದನ್ನು ಮೈಸೂರು ಮೂಲದ ವ್ಯಕ್ತಿ ಇಟ್ಟಿದ್ದು, ಅದರಲ್ಲಿ ಕೆಲಸ ಮಾಡುತ್ತಿದ್ದ ಮೈಸೂರಿನ ವಾಸು ಎಂಬವರ ಆರೋಗ್ಯ ಏರುಪೇರಾಗಿದೆ. ತಕ್ಷಣ ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾನೆ.
ಆದರೆ, ಮೃತ ವಾಸುವಿನ ವಿಳಾಸ ಪತ್ತೆ ಆಗಿರುವುದಿಲ್ಲ. ಅಂದಾಜು ೩೫ ವರ್ಷ ಪ್ರಾಯದ ವಾಸು ಕೈಯಲ್ಲಿ ರಮೇಶ್ ಎಂದು ಹಚ್ಚೆ ಹಾಕಿಸಿಕೊಂಡಿದ್ದಾರೆ. ಅಲ್ಲದೆ ತಮಿಳು, ಕನ್ನಡ ಭಾಷೆ ಬಲ್ಲವರಾಗಿದ್ದಾರೆ. ಈತನ ಕುರಿತು ಮಾಹಿತಿ ಇದ್ದಲ್ಲಿ ೦೮೨೭೬- ೨೭೪೩೩೩, ೯೪೮೦೮೦೪೯೫೧ ಸಂಖ್ಯೆ ಸಂಪರ್ಕಿಸಲು ಪೊಲೀಸ್ ಪ್ರಕಟಣೆ ತಿಳಿಸಿದೆ.